النادي ماهوش منتخب والمنتخب ماهوش نادي .. كل حاجة في بقعتها .. الترجي والنجم مهيمنين قارّيّا بدون مشاكل.. المنتخب مشكلتو في الجيل الحالي المتوسّط فنيا وبدنيّا .. وفي الادارة الفنّية الّي تضرب في النّوم عوض البحث عن اللّاعبين القادرين على النهوض بمستوى المنتخب .. القارّة الاوروبية فيها عشرات اللاعبين ذوي الاصول التونسية وفيهم الّي متكوّن في نوادي عريقة .. يلزم يتمّ التواصل معاهم واقناعهم باللّعب لتونس وهكّة الاستفادة تكون مشتركة .. المنتخب يستفاد من لاعبين ذوي عقلية محترفة متكوّنين على قاعدة وهوما يستفادو باعتبار انّو المشاركة في المسابقات القارية مع المنتخب تنجّم تعرّف بيهم وتساهم في تحسين وضعيّتهم رياضيا ومادّيّا .. بالنّسبة للاعبين المحلّيين عندهم palier ما ينجّموش يفوتوه .. يعني في المستوى العالي ما نّجموش نعمّلوا عليهم وما ننتظروا منهم حتّى شيء ..